مرّات بفكّر لحالي بأكم فُقاعة يا الله الواحد حابس حالو..
او اللي بسمّوها قََوقَعة...
باكَم عِلبة...
صَفَط سِلفانا...
بَرميل...
اللي بَدكو اياه...
البَعصة انّو الواحد بدراش انو كان حابس حالو بفُقاعة غير لمّا يطلع منها...
يعني مُحتَمل يكون الواحد مِتقَوقِع 50 الف قَوقَعة وهو مش داري...
بذكّرني بخَسِّة زياد الرحباني لما حكى عن نفسيّة المرأة..
ومش راح تِعرف يا انسان غير لمّا تتمرّد على المسلّمات والحواجِز...
لمّا بَشعر مرات انّي طلعِت من فُقاعة كنت اسبَح فيها بكون عندي احساس زي الاحساس بالحريّة..
جرّّب يا انسان كسِّر هاي القيود واكتشف حدودَك
لانّو يمكن
مش يمكن
اكيد راح تكتشف انو السما هي الحدود !
وعلى شانك يا ايناس:
اكتشف نفسك
راح تعرف انو ما الها حدود
ليست هناك تعليقات:
إرسال تعليق